Si pasojë e reshjeve të borës që kanë filluar gjatë natës disa shtylla elektrike janë dëmtuar në Ferizaj, Prishtinë, Mitrovicë dhe Prizren.
KEDS ka njoftuar se ekipet në terren po punojnë vazhdimisht që ta kthejnë në normalitet gjendjen e furnizimit me energji elektrike.
“Për shkak të borës që filloi të bie sot herët në mëngjes, e shoqëruar me erëra, janë shkaktuar disa dëme në asetet tona, kryesisht në shtylla dhe në përçues elektrikë. Distriktet më të prekura janë Ferizaj, Prishtina, Mitrovica dhe Prizreni. Ekipet e KEDS-it gjenden në terren dhe po punojnë pandërprerë në mënyrë që ta kthejnë në normalitet gjendjen me furnizim me energji elektrike”, thuhet në njoftimin e KEDS.
Njëherit, kanë kërkuar mirëkuptim nga konsumatorët dhe sigurojnë që në një afat sa më optimal do të rikthehet furnizimi i rregullt me energji elektrike./teve1.info/.
