Nga ora 18:45 ka filluar takimi i basketbollit mes Borës dhe Trepçës.
Ky takim ishte i paraparë të zhvillohej javë më parë, si pjesë e xhiros së pestë, por u shtye pasi palestrat ishin të zëna për shkak të zgjedhjeve lokale.
Ndeshja zhvillohet në palestrën “Minatori” në Mitrovicë, edhe pse Bora është nikoqire e takimit.
Meqenëse kjo ndeshje është e mbetur, të dy trajnerët do të kenë mungesa. Te Bora nuk do të paraqiten lojtarët Tyler Cheese, Chris Payton dhe Alex Hunter, ndërsa të lënduar janë Ron Ukaj dhe Olsi Kurtaj.
Në taborin e xehetarëve nuk do të kenë të drejtë loje amerikanët Kenny Hasbrouck dhe Sekk Henry, si dhe i larguari Chad Brown, ndërsa skuadra e drejtuar nga Adis Bećiragić nuk ka lojtarë të lënduar.
Me një fitore eventuale, Trepça do të renditet në vendin e parë, pasi deri më tani ka 7 fitore dhe 3 disfata, duke u pozicionuar aktualisht në vendin e tretë.
Ndërkohë, Bora ka 5 fitore dhe po aq humbje, që e rendisin në vendin e gjashtë.
Bora dhe Trepça janë ekipet e vetme në këtë edicion që ende nuk kanë zhvilluar takim mes vete.
Këtë ndeshje mund ta ndiqni drejtpërdrejt në kanalet e “Telkos”.
