E ardhmja e mesfushorit Ardon Jashari, përfundimisht do të jetë në Serie A të Italisë. “Calciomercato” ka shkruar të martën se Jashari në verë do të transferohet te skuadra e Bolognas.
Mësohet se Jashari tashmë ka arritur marrëveshje personale me Bolognan, ekip që po negocion me Luzernin për lirimin e tij me të përfunduar edicioni aktual.
Jashari ka kontratë me Luzernin deri në vitin 2026, ndërsa kartoni i tij vlerësohet mbi 5 milionë euro. Në 25 paraqitje këtë edicion në Superligën e Zvicrës, Jashari ka shënuar 5 gola dhe ka bërë 2 asistime.
21-vjeçari prej vitit 2022 është pjesë e ekipit të parë të Luzernit, ndërsa situatën e tij po e monitorjnë edhe Napoli e Lazio. Jashari ka edhe dy paraqitje me Kombëtaren A të Zvicrës.
