Bologna është skuadra e fundit që është futur në garë për shërbimet e mbrojtësit të Shqipërisë, Ardian Ismajli.
28-vjeçari është në lojtarët më të kërkuar në këtë afat kalimtar, duke pasur parasysh se në fund të këtij muaji i skadon kontrata me skuadrën e Empolit.
Bologna po sfidon Veronan, Cremonesen dhe Lazion për transferimin e Ismajlit, i cili e njeh mirë kampionatin italian dhe shihet si përforcim i rëndësishëm në mbrojtje.
Ismajli në katër sezonet e fundit ka qenë pjesë e Empolit, ndërsa për një vit në Itali ka luajtur edhe për skuadrën e Spezias.
Krahas Italisë, Ismajli ka tërhequr vëmendjen edhe në Turqi, ku po kërkohet nga Beshiktashi e Trabzonspori.
