Mesfushori I Kombëtares së Shqipërisë, Nedim Bajrami pritet të ndërroj skuadër por jo edhe kampionat këtë verë.
Mediumet italiane kanë raportuar të enjten se gjasat janë të mëdha që Bajrami të largohet nga Sassuolo për t’u transferuar te Bologna. Mësohet se drejtuesit e Bolognas e kanë ndjekur nga afër Bajramin dhe tashmë kanë nisur kontaktet me Sassuolon për transferimin e tij me të përfunduar edicioni aktual.
Bajrami po shihet si përforcim i duhur për mesfushën te Bologna, ekip që është gati të paguajë deri në 6 milionë euro për kartonin e tij.
25-vjeçari verën e shkuar iu bashkua Sassolos nga Empoli, ndërsa këtë edicion ka 2 gola e 1 asistim në të gjitha garat.
Gjithashtu, Bajrami ka edhe 21 ndeshje të luajtura për Shqipërinë dhe 3 gola të shënuar.
