Boksierja kosovare, Donjeta Sadiku, është kualifikuar në finale të turneut të madh ndërkombëtar, “Strangja”, që po mbahet në Sofje të Bullgarisë.
Në gjysmëfinale të kategorisë deri 60 kilogramë, të premten pasdite, Donjeta u përball me turken Evin Erginoguz. Ndaj saj dominoi plotësisht në të tri raundet për fitore 3:0.
Donjeta tashmë i ka dy fitore në “Strangja” që është prej turneve më të mëdhenj të boksit amator.
Në finale, të dielën, Donjeta përballet me boksieren nga Kazakistani, Rimma Volossenko.
