Një 41-vjeçar është arrestuar nga Policia e Kosovës, pasi që i njëjti dyshohet se kishte blerë produkte ushqimore në vlerë prej 740 euro, ku të gjitha monedhat ishin në vlerë të 2 eurove e që dyshohen të jenë të falsifikuara.
M.K., është arrestuar në bazë të grumbullimit të informacioneve në terren dhe shikimit të kamerave të sigurisë nga ana e policëve, ku më pas është gjetur dhe shoqëruar në Stacionin e Policisë në Ferizaj.
“Pas intervistimit të tij nga policët hetues, me vendim të prokurorit të rastit i njëjti është liruar në procedurë të rregullt hetimore , kurse monedhat në vlerë 740 euro, të gjitha monedha nga dy (2) euro janë konfiskuar, për procedura të mëtejme hetimore”, thuhet në njoftimi e Policisë .
Rasti është iniciuar “Falsifikim i parasë”. /teve1.info/
