Kryeministri i Kosovës, Albin Kurti, ka bërë të ditur se që nga sot drejtore e Qendrës së Kinematografisë së Kosovës është Blerta Zeqiri.
Kurti ka thënë se Zeqiri është ndër emrat më të suksesshëm në kinematografinë e Kosovës.
“Bashkë me ministrin Çeku, në zyrën time pritëm drejtoren e sapozgjedhur të Qendrës Kinematografike të Kosovës, regjisoren Blerta Zeqiri. Ajo njihet për cilësinë e krijimtarisë dhe kontributin për zhvillimin e sektorit të filmit. Blerta nisi një angazhim të ri, duke e bartur zërin dhe potencialin e komunitetit brenda institucionit më të lartë të filmit”, ka shkruar Kurti në një postim në Facebook.
Kurti ka thënë se me Zeqirin në krye me QKK-në fuqizohet reforma në kinematografi.
“Me Blertën në krye të QKK-së fuqizohet tutje reforma jonë në kinematografi. Me buxhet të rritur për prodhim të filmit dhe ligjin e ri në prag të miratimit përfundimtar, kinematografia jonë do të arrijë nivele të reja të suksesit ndërkombëtar”, ka shkruar tutje kryeministri.
