Reka përmes një postimi në Facebook, përmendi se Serbia refuzoi sanksionet e BE-së kundër Rusisë në rastin e Ukrainës, ashtu si në rastin e Krimes para tetë vite.
“E përkëdhelura e Brukselit! Dje Serbia refuzoi sanksionet e BE-së kundër Rusisë, për invazionin në Ukrainë. Tash tetë vite nuk i zbatoi as sanksionet për aneksimin rus të Krimesë. Ajo dje në mbledhjen e OSBE-së në Vjenë, mbeti me Rusinë dhe satelitët e saj, edhepse përfaqësuesit e BE-së, në shenjë proteste lëshuan takimin”, ka shkruar Reka.
Ai tha se Serbia edhe pse negocion anëtarësimin në BE, zbaton vetëm 43% të politikës së jashtme të BE-së.
“Ndonëse shtet-kandidat që negocion anëtarësimin në BE, Serbia zbaton vetëm 43% të politikës së jashtme të BE-së. Përkundër kësaj, Këshilli Evropian, në samitin e fundit në dhjetorin e kaluar, shpërbleu vetëm Serbinë me hapje të kaptinave të reja negociuese!”, tha Reka.
Sipas tij, Serbia po dëshmon se është pjesë e Unionit Euro-Aziatik, por larg Unionit Evropian.
“Megjithatë mbetet e përkëdhelura e Brukselit”, përfundoi Reka. /teve1.info/
