Në moshën 22-vjeçare iu bashkua Ushtrisë Çlirimtare të Kosovës.
Nga Presheva, Blerim Ahmeti erdhi në Kosovë për të luftuar kundër forcave serbe në vitin 1998.
Ai u angazhua në zonën e Pashtrikut, ku për kontributin në luftë tregon kushëriri i tij, Arbnor Ahmeti.
“Blerimi sa i përket vendosmërisë për të marrë pjesë në luftën çlirimtare të Kosovës nuk e ka diskutuar aspak me askënd, vetëm me një grup tjetër që ishin të vendosur për tu bërë pjesë e luftës për çlirimin e trojeve shqiptare me disa kushërinj tjetëre që u bashkëngitën po ashtu në luftë për çlirimin e trojeve”, tregon Ahmeti.
Pas përfundimit të luftës në Kosovë, Ahmeti ishte kyqur edhe në Ushtrinë Çlirimtare të Preshevës, Medvegjës dhe Bujanocit, bashkë me komandantin Nijazi Azemi i njohur si komandant Mjekrra.
“Jo vetëm ai, por edhe kushërinjtë tjerë se ne njihemi si familje që i kemi shërbyer atdheut, si me pushkë po ashtu edhe në mënyrë financiare, kështu që vëllau i tij së bashku me disa kushërinj tjerë siç e kanë njohur komandantin e ndjerë kanë folur fjalë miradie dhe fjalë të një luftëtari besnik dhe sypatrembur”, tha kushëriri i Blerim Ahmetit, Arbnori.
Familja e ish-ushtarit të dy luftërave, është e prekur edhe nga një masakër që ka ndodhur në fshatin e tij të lindjes, në Gruhali.
“Duke u munduar ti shfarosin të gjithë meshkujt e familjes, nga të gjithë meshkujt që ishin i ekzekutuan të gjithë dhe mbetën vetëm disa fëmijë, mbas disa viteve në vitin 1944 po e njëjta gjë ka ndodhur pikërisht te këta fëmijë që ishin të vegjël gjatë masakrës së vitit 1912 duke pasur fatin e njëjtë sikur të baballarëve të tyre duke i ekzekutuar edhe ata”.
Blerim Ahmeti vdiq në shkurt të këtij viti duke lënë pas vetes tre fëmijë.
