Blakaj tha se në vitin 2008 mosha mesatare e atyre që kanë shkuar për herë të parë në qendrën e tyre për trajtim ka qenë 22 vjeç, ndërkaq tashmë kjo moshë ka rënë në 16 vjeç.
“Na e kemi përcjell me vite, që nga 2002 ta zëmë, moshën e atyre që paraqiten për herë të parë në qendrën tonë dhe gjithnjë mosha ka shkuar duke rënë. Le ta marr një krahasim. P.sh. në vitin 2008 mosha mesatare e atyre që kanë ardhur për herë të parë në qendrën tonë ka qenë 22.4 vjeç, ndërsa në vitin 2019, 16.4 vjeç kur ka filluar për herë të parë të përdorë dikush drogë. Edhe rastet e fundit janë diku rreth 16 vjeç, kjo është një tregues që tregon sa ka rënë mosha mesatare e fillimit të përdorimit të drogës në Kosovë. Ne mendojmë përfundimisht se nuk ka ku të bie më poshtë. Natyrisht që ka mosha më të reja 13, 16 e 17 e kështu me radhë, po i heqim rastet që janë ekstreme ato që janë nën moshën 13, 12 e më poshtë, po ato janë raste shumë të rralla, janë ekstreme, andaj neve nuk na shqetësojnë shumë për arsye se janë shumë të rralla. Kjo është ajo pasqyra sa i përket moshës, kjo tregon që shumë herët po fillohet me përdorimin e drogës e natyrisht që të gjithë ata kur fillojnë janë nxënës të shkollës”, u shpreh Blakaj.
Për më shumë ndiqeni hulumtimin “Përdorimi i drogave nga të miturit”, i cili po transmetohet në “Tëvë1” dhe “Betimi për Drejtësi./Tëvë1/
