Ish-kryeministri i Britanisë së Madhe, Tony Blair është pritur mbrëmë në Kosovë, nga ministrja e Jashtme, Donika Gërvalla.
Gërvalla tha se gjatë luftës ish-kryeministri u shqua si mbështetësi më i fuqishëm i popullit të Kosovës.
“Gjatë luftës ai u shqua si mbështetësi më i fuqishëm i popullit të Kosovës dhe çlirimit të tij, duke qenë ndër figurat kryesore të nismës së përbashkët të 19 shteteve anëtare të NATO-s për ndaljen e luftës dhe gjenocidit në Kosovë”, shkroi Gërvalla në Facebook.
Ndryshe, Blair do të marrë pjesë në shënimin e 25-vjetorit të çlirimit të Kosovës nga okupatori serb, derisa ai do t’iu drejtohet deputetëve të Kuvendit të Kosovës në një seancë të jashtëzakonshme./teve1.info/
