Ish-kryeministri i Britanisë së Madhe, Tony Blair ka thënë se në Kosovë janë duke ndodhur shumë gjëra pozitive, të cilat siç tha ai, janë shembull për tërë botën.
Në një konferencë për media, pas takimit me Osmanin, ish-kryeministri ka deklaruar se mezi pret të vijë dita që Kosova ta zë vendin në familjen e Kombeve të Bashkuara.
“Për vendosmërinë e tyre të palëkundur,që ta shfrytëzojnë dhe t`ia shohin të mirën çlirimin e 25-viteve për njerëzit që jetojnë këtu, atëherë isha I bindur që ishte gjëja e duhur për t`a bërë dhe vazhdojë të kem këtë bindje dhe gjithashtu tani jam i bindur që duhet të rrimë krahë njerëzve të Kosovës, në mënyrë që e ardhmja e Kosovës të jetë plotësisht në linjë me meritat e njerëzve të saj, këtu po ndodhin shumë gjëra dhe pozitive, që janë mësim për tërë botën jo vetëm për popullin e Kosovës dhe pres me padurim ta shohë ditën kur Kosova si komb i pavarur dhe Sovran zë vendin e duhur në familjen e kombeve dhe si shembull për tërë boten”, deklaroi Blair./teve1.info/
