Pasi çmimet e Bitcoin, Ethereum dhe aseteve kryesore në industrinë kripto u rritën në mënyrë të ndjeshme ditën e Dielë kur Presidenti Trump foli për rezervën e planifikuar kripto në SHBA, në 24 orët e fundit i tërë tregu kripto ra me mbi 8 përqind.
Bitcoin ra nga 94 mijë dollarë mëngjesin e së hënës në 83,700 dollarë në këto momente që shkruajmë sipas CoinMarketCap ndërsa tarifat e Trump dhe frika e inflacionit eliminuan çdo rritje që krijoi lajmi se SHBA do të krijojë rezervë kripto.
Kriptomonedha më e madhe në botë Bitcoin ra me 8.82 përqind në 24 orë. Ethereum, kriptomonedha e dytë më e madhe në botë ra me 11 përqind në 2,091 dollarë. XRP, Solana dhe Cardano të cilët do të jenë pjesë e rezervës Amerikane ranë gjithashtu me 9.38 përqind, 15.13 përqind dhe 15.5 përqind respektivisht.
XRP këmbehej mëngjesin e së Martes me 2.36 dollarë, Solana me 136 dollarë dhe Cardano me 0.81 dollarë. Në 24 orët e fundit afro 1 miliardë dollarë janë likuiduar shumica në pozicionet long sipas të dhënave të CoinGlass.
Por nuk ishte vetëm tregu kripto që u ballafaqua me rënie. Lajmet e hyrjes në fuqi të tarifave Amerikane kundrejt importeve Kineze, Kanadeze dhe Meksikane tronditën edhe bursat e mëdha ku aksionet Dow, S&P 500 dhe Nasdaq patën rënie. Aksionet e Nvidia ranë me 6 përqind brenda ditës./PCWorld Albanian
