Faton Bislimi, ka thënë se mos lejimi për të kandiduar për kryetar të Lidhjes Demokratike të Kosovës në Konventën Zgjedhore të së dielës është në kundërshtim me statutin e kësaj partie.
Ai në një deklarim për media pas përfundimit të Konventës Zgjedhore ka thënë se kjo nuk e ndalon atë për të punuar për të mirën e LDK dhe qytetarëve.
“Vendimi për mos të lejuar kandidaturën është anti-statutar, sipas vlerësimit tim, por kjo nuk do të thotë se e pamundëson vazhdimin e punës sime për të mirën e LDK-së, qytetarëve të Kosovës dhe mbi të gjitha për t’i ofruar Kosovës një alternativë të mirë, për të quar përpara Kosovën drejt integrimin euro- atlantik dhe për t’i siguruar vend meritor jo vetëm në familjen e madhe evropiane por edhe krijon mundësi për qytetarët që ëndrrat e tyre t’i realizojnë këtu”, ka thënë Bisilimi, përcjell teve1.info
Lumir Abdixhiku është zgjedhur sërish kryetar i Lidhjes Demokratike të Kosovës (LDK), me gjithsej 333 vota me një mandat të plotë 4-vjeçar.
Nënkryetari i LDK-së, Gazmend Muhaxheri komentoi pretendimin e Faton Bislimit për të qenë kandidat për kryetar të LDK-së.
Muhaxherri tha se ata që nuk kanë marrë pjesë në procesin zgjedhor, nuk janë kandidat.
