Zëvendëskryeministri i vendit, Besnik Bislimi ka dalë me një deklaratë rreth raportimeve që një automjet me dinarë është ndaluar nga autoritetet kosovare në Jarinjë.
Bislimi e ka quajtur këtë veprim si një hap unilateral të Serbisë, me qëllim të shkeljes së funksionalitetit tё institucioneve tё Republikës sё Kosovës dhe krijimit artificial tё tensioneve.
“Nuk ka dyshim se kjo dërgese e tillё, pa asnjë koordinim, paraqet një hap unilateral të Serbisë, me qёllim tё shkeljes flagrante tё funksionalitetit tё institucioneve tё Republikës sё Kosovës, synon krijim artificial tё tensioneve dhe si e tillë meriton tё dënohet ashpër nga gjithsecili që kundërshton hapat unilateral”, ka shkruar ai në Facebook.
Gjithashtu, ai duke dhënë detaje për këtë dërgesë, ka thënë se Banka e Serbisë ka dërguar një kamion me para nё përcjellje tё individëve qё prezantohen me kredenciale tё njё kompanie inekzistente, një ditë para mbledhjes sё thirrur tё Kёshillit tё Sigurimit.
“Sot Banka ekuivalente e Serbisё (njё ditё para mbledhjes sё thirrur tё Kёshillit tё Sigurimit), ka dёrguar njё kamion me para (plot 117.000.000 dinarё) nё kufi, nё pёrcjellje tё individёve qё prezantohen me kredenciale tё njё kompanie inekzistente, me pretendimin qё paratё duan t’i dёrgojnё tek njё entitet po ashtu inekzistent nё Kosovё dhe pёr interes tё pёrfituesve, emrat e tё cilёve as i dijnё e as nuk i kanё. Paramendojeni njё paralele ku para inspektorit doganor, shfaqet njё kamion me mallra tё konsumit tё pёrditshёm, nga individё qё prezantohen nё emër tё kompanive inekzistuese, dhe pretendojnё qё mallin janё duke e dёrguar tek njё kompani, e cila po ashtu nuk figuron askund nё regjistrat zyrtarё tё shtetit”, ka shkruar ai mes tjerash. /teve1.info/
