Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, u takua me Komisionerin për Fqinjësi dhe Zgjerim, Oliver Varhelyi.
Rrugëtimi drejt integrimeve evropiane dhe të arriturat e Kosovës ishin temë diskutimi.
Bislimi në këtë takim tha se Kosova e angazhuar për të ecur bindshëm drejt BE-së.
“Zëvendëskryeministri Bislimi potencoi mesazhin e përkushtimit dhe angazhimit të Kosovës për të ecur bindshëm drejt Bashkimit Evropian dhe vijimësinë në trajektoren e progresit në sundim të ligjit, demokratizim, luftën kundër krimit të organizuar dhe korrupsionit, politikat sociale, zhvillim ekonomik e kohezion shoqëror”, ka njoftuar Zyra e Kryeministrit.
