Ambasada e Republikës së Kosovës në Holandë, mbrëmë ka organizuar një pritje për Zëvendëskryeministrin e Kosovës për Integrim Evropian, Zhvillim dhe Dialog, Besnik Bislimi, me mërgatën shqiptare në Holandë.
Përmes një komunikate për media, thuhet që Bislimi ka falënderuar mërgimtarët për kontributin e dhënë në Kosovë, derisa ka theksuar që Qeveria ka vëmendje të veçantë për ta, përcjell teve1.info.
“Zëvendëskryeministri Bislimi, theksoi se qeveria ka vëmendje të veçantë për mërgatën dhe e vlerësoi atë për rolin kyç dhe rëndësinë që përfaqësojnë. Ai u njoh me historitë e tyre të suksesit, nga studentë të shkencave sociale deri tek ekspertët ligjorë dhe sipërmarrësit. Ai i falënderoi mërgimtarët për gjithë kontributin e dhënë për Kosovën, duke theksuar edhe domosdoshmërinë e thellimit të bashkëpunimit. Mërgata mbetet pjesë kyçe e përpjekjeve tona për zhvillim konstant e të qëndrueshëm”, thuhet në komunikatë.
Më tej, Bislimi ka thënë që Qeveria Kurti është e interesuar për të tërhequr profesionistë të talentuar, si brenda ashtu dhe jashtë vendit./teve1.info/.
