Zëvendëskryeministri Besnik Bislimi ka pritur në një takim Ambasadorin e Hungarisë në largim, József Bencze.
Marrëdhëniet Kosovë-Hungari ishin temë diskutimi, teksa u diskutua për mënyrat e thellimit të këtyre marrëdhënieve.
“U diskutua për marrëdhëniet Kosovë – Hungari, si dhe vizitat e shumta të zhvilluara me qëllim të forcimit të marrëdhënieve si ajo e Presidentes, Ministrave dhe të zyrtarëve të tjerë në Hungari dhe në Kosovë”, thuhet në një komunikatë.
Po ashtu është cekur që Qeveria e Kosovës dhe ajo Hungareze kanë funksionalizuar Komisionin e Përbashkët për Bashkëpunim Ekonomik dhe memorandume të ndryshme në fushat e bujqësisë, ekonomisë dhe edukimit, me bursa për qytetarët e Kosovës.
“Zëvendëskryeministri Bislimi i uroi shëndet dhe suksese të mëtejme Ambasadorit Bencze në pozitën e tij të ardhshme”.
