Bislimi ka thënë se liberalizimi i vizave është një arritje në integrimin evropian të Kosovës, teksa falënderoi presidencën çeke për përkushtim, përcjell teve1.info
“Kjo është një ditë e rëndësishme evropiane për vendin tonë, pas edhe nënshkrimit të aplikimit për anëtarësim në BE. Falenderoj Presidencën Çeke të Këshillit të BE-së, për përkushtimin gjatë presidencës së tyre në këtë proces. Gjithashtu dhe grupin parlamentar të social-demokratëve, të cilët mirëpritën dhe aplikimin e Kosovës për anëtarësim në BE”, ka shkruar ai në Facebook.
Presidenca e Këshillit dhe Parlamenti Evropian kanë rënë dakord për udhëtimin pa viza për Kosovën. Siç është bërë e ditur, ky tekst duhet të miratohet nga Këshilli dhe Parlamenti Evropian përpara se të kalojë procedurën formale të miratimit.
Tutje, theksohet se rregullat e reja do i lejojnë mbajtësit e pasaportave të Kosovës të udhëtojnë në BE pa vizë për një periudhë qëndrimi prej 90 ditësh në çdo periudhë 180 ditore. /Teve1.info/
https://teve1.info/lajmet/presidenca-e-keshillit-dhe-parlamenti-evropian-bien-dakord-per-udhetimin-pa-viza-per-kosoven/
