Zëvendëskryeministri, Besnik Bislimi ka thënë se ende nuk ka nisur zbatimi i Marrëveshjes Bazike dhe Ankesit Implementues të Ohrit.
Bislimi ka theksuar se një vit pas dakordimit me Serbinë, ajo refuzon ta nënshkruaj këtë marrëveshje.
Madje sipas tij, Kosova është përballur me shkeljet e Serbisë, eskalimet e saj në terren, refuzimin verbal dhe zyrtar të marrëveshjes dhe qasjen e vazhdueshme destruktive.
“Ende pa zbatim të Marrëveshjes Bazike dhe Aneksit Implementues të Ohrit. Kur do të duhej të ishim në rrugën e drejtë të zbatimit të plotë dhe pa kushte të Marrëveshjes së Brukselit, shënojmë një vit nga dita kur u dakordua ajo, dhe Serbia ende refuzon ta nënshkruajë e rrjedhimisht dhe zbatojë marrëveshjen. Përkundrazi, përgjatë kësaj periudhe një vjeçare jemi përballur me shkeljet e Serbisë, eskalimet e saj në terren, refuzimin verbal dhe zyrtar të marrëveshjes dhe qasjes së vazhdueshme destruktive”, ka shkruar ai në Facebook.
Ndërkaq, Bislimi ka vlerësuar se të gjitha këto akte e sjellje, dëshmuan se Serbia po e pengon fuqishëm avancimin në rrugën drejt normalizimit të plotë të marrëdhënieve e njohjes reciproke.
