Zëvendëskryeministri i Kosovës, Besnik Bislimi ka thënë se pas 18 marsit, vendet e QUINT-it janë duke mbajtur takime me vendet mosnjohëse të Koosvës.
Megjithatë Bislimi ka shtuar se nuk mund të thotë se sa kjo mund të përkthehet në vendime finale për njohjen e pavarësisë së Kosovës
“Menjëherë pas datës 18 mars vendet e QUINT-it kanë mbajt dhe vazhdojnë të mbajnë takime me vendet mosnjohëse jo vetëm të BE por edhe me vende të tjera mosnjohëse, por në ç’masë kjo mund të përkthehet në vendime finale kjo mbetet të shihet. Janë edhe dinamikat e brendshme të secilit shtet, ne nuk e kemi kapacitetin apo potencialin. BE ka marrë obligime në rrugëtimin tonë drejt integrimeve evropiane dhe në rast se ato pengohen nga këto shtete, i bie që BE nuk ka arrit me i përmbush obligimet e veta që dalin nga marrëveshja”, ka deklaruar Bislimi para Komisionit për Punë të Jashtme dhe Diasporë, transmeton teve1.info.
