Zëvendëskryeministri për Integrim Evropian, Zhvillim dhe Dialog i Republikës së Kosovës, Besnik Bislimi, ka pritur sot në takim ambasadorin e Turqisë në Kosovë, Sabri Tunç Angili.
Sipas njoftimit, në takim u bisedua për thellimin e marrëdhënieve bilaterale dhe bashkëpunimin mes vendeve.
Bëhet e ditur se Bislimi e njoftoi ambasadorin edhe për procesin e dialogut dhe takimin e fundit të mbajtur në Bruksel.
“Në këtë takim u bisedua për mundësitë e thellimit të marrëdhënieve bilaterale dhe rritjen e bashkëpunimit mes dy vendeve tona. Nga fusha e shëndetësisë e deri te thellimi i marrëdhënieve ekonomike e mundësitë për projekte të përbashkëta. Zëvendëskryeministri Bislimi e informoi ambasadorin edhe mbi procesin e dialogut dhe takimin e fundit të mbajtur në Bruksel ditën e hënë”, thuhet në njoftim./teve1.info./
