Zëvendëskryeministri i parë i Kosovës, Besnik Bislimi i ka shprehur mirënjohje të veçantë për bashkëpunim ministrit të sapo dorëhequr të Mbrojtjes, Armend Mehaj.
Bislimi i ka uruar Mehajt suksese në angazhimet e tij të ardhshme, derisa ka thënë se shpreson që rrugët e bashkëpunimit të tyre do të kryqëzohen përsëri.
“Falenderim dhe mirënjohje e veçantë për bashkëpunimin e shkëlqyeshëm. I uroj shumë suksese në angazhimet e tij të ardhshme Armendit, me shpresën që përsëri do na kryqëzohen rrugët e bashkëpunimit”, ka shkruar ai.
Ndryshe, ministri i Mbrojtjes, Armend Mehaj ka konfirmuar sot dorëheqjen nga ky dikaster të cilin e udhëhoqi nga viti 2021.
Në një postim në Facebook, ai bëri të ditur se deri te dorëheqja ka ardhur për arsye familjare, teksa theksoi se kryeministrin Albin Kurti e ka njoftuar kohë më parë./teve1.info./