Zëvendëskryeministri i parë i Republikës së Kosovës, Besnik Bislimi në konferencën për media ka dhënë detaje rreth takimit të djeshëm me emisarin e BE-së në Dialogun Kosovë-Serbi, Miroslav Lajçak,
Derisa para gazetarëve ai renditi temat të cilat u diskutuan në takim.
“Në takim me Lajçakun kemi biseduar këto tema:
Domosdoshmërinë e formalizimit të marrëveshjes bashkë me aneksin zbatues. Ka deklarata nga Serbia se ata zbatojnë çdo marrëveshje të cilën e nënshkuajnë, kjo deklaratë fton për nënshkrim. Me këtë deklaratë Vuçiq thotë se nëse doni që unë ta zbatoj marrëveshjen bazike më detyroni ta nënshkruj të njëjtën. Ka letra që zonja Bërnabiq ka dërguar në Parlamentin Evropian ku thekson se ata nuk e kanë këtë marrëveshje, nuk duan ta zbatojnë nuk e njohin integritetin territorial të Kosovës.
Tema e dytë për të cilën kemi diskutu me Lajçakun ka të bëjë me domosdoshmërinë e largimit të masava ndëshkuese të Komisionit Evropian.
Ne kemi prezantuar argumentet tona, pse është e palogjikshme dhe pengon rrugëtimin evropian të Kosovës. Ka dakordim që është e pakuptimtë që Kosovës ia vënë masa pse ka dërguar 4 kryetarë në zyrën e tyre ndërkaq Serbisë nuk i janë vendo masa edhe pas aktit terrorist të 24 shtatorit.
Kemi diskutuar si temë të tretë problemet ende të pazgjidhura nga udhërrëfyesi i zbatimit të marrëveshjes së energjisë.
Tema e katërt ka të bëjë me vendimin e Qeverisë për shfrytëzimin e suficidit në komunat veriore për shlyerjen e një pjese të akumuluar të borgjit të KOSST-it.
Kemi trajtuar problemet që e përcjellin zbatimin e marrëveshjes për targa. Tema e gjashtë që është diskutuar ka qenë brengat që janë ngritur nga aprovimi i rregullore së Bankës Qëndrore. Pastaj kemi folur për zgjedhjet e parakohshme në komunat veriore të Kosovës. Tetë kemi biseduar për problemet që ndërlidhen me propozimin e Komisionit Evropian rreth pasaportave ilegale të lëshuara nga ministria e Punëve të Brendshme të Serbisë.
Dhe së fundi kemi diskutuar edhe për shkeljet që i bënë operatori i telefonisë mobile.
Ndryshe, emisari i BE-së në Dialogun Kosovë-Serbi, Miroslav Lajçak, e ka quajtur diskutim të dobishëm dhe të detajuar takimin e së martën me kryeministrin Albin Kurti në Kosovë, raporton teve1.info
