Zëvendëkryeministri Besnik Bislimi duke folur për faktin që ende nuk ka nisur faturimi i energjisë elektrike në veri, ka thënë se Qeveria është e vetmja palë që i ka kryer obligimet e veta, por për shkak se palët tjera nuk i kanë kryer edhe zbatimi i marrëveshjes ka ngecur
“Plani apo udhërrëfyesi i energjisë ka parapa që gjendja me energji të normalizohet deri në tetor dhe për normalizim të situatës me energji është dashur të zbatohen disa vendime nga një pjesë e madhe e pjesëmarrësvve: Qeveria, KEDS-i, KOSTT-i, Elektroseveri dhe Bashkimi Evropian. E vetmja palë e cila në plotni i ka përmbushur të gjitha obligimet e saj sipas këtij udhërrëfyesi është Qeveria e Kosovës e cila e ka licencuar Elektroseverin brenda 48 orëve pas nënshkrimit të udhërrëfeysit e po ashtu e ka pajisur me Kodin e Identifikimit për energji”, ka thënë Bislimi.
Sipas tij kanë mbetur të pazbatueshme disa pika teksa ka nënvizuar atë për dërgimin e të dhënave të plota të konsumatorëve.
“Po ashtu janë nënshkruar edhe marrëveshjet mes KOSTT-it dhe Elektroseverit. Ato pika që kanë mbetur të papërmbushura janë dërgimi i të dhënave të plota të konsumatorëve që është dashur të kryhet nga Elektroseveri brenda një afati 7-ditor por që nuk ka ndodhur as deri sot përveç disa të dhënave të falsifikuara që janë dërguar brenda 100 ditëve. Dhe nuk është përmbushur as pika e nënshkrimit të marrëveshjes apo kontratës kornizë mes KEDS-it dhe Elektroseverit”., ka thënë Bislimi, përcjell teve1.info.
Ai ka përmendur edhe moszbatimin e pikës që kërkon që KEDSS-i dhe KOSTT-i të kenë qasje të vazhdueshme në stacionin në Vallaq.
“Po ashtu nuk është përmbushur as pika 5 e marrëveshjes e cila kërkon që KEDS dhe KOSTT të kenë qasje të vazhdueshme dhe të përhershme në stacionin në Vallaq. Arsyeja pse nuk është finalizu kjo marrëveshje qëndron në rezistencën e Elektroseverit që ta nënshkruajë marrëveshjen sipas Udhërrëfyesit, ata insistojnë në respektimin e një marrëveshje tjetër që e kanë arritur me KEDS-in në Stamboll e cila nuk ka të bëjë asgjë me marrëveshjet e Brukselit”.
Sipas Bislimit një pjesë të madhe të fajita e ka BE-ja që sipa tij ka dërguar sinjale të gabuara tek Elektroseveri duke interpretuar nene të gabueshme.
“Po ashtu nuk janë përmbushuras obligimet e Bashkimit Evropian. Unë mendoj se një pjesë bukur të madhe të fajit për moszbatimin e marrëveshjes deri tani e ka vet Brukseli, apo ndërmjetësuesit të cilit jo vetëm e kanë lejuar takimin në Stamboll por po ashtu edhe kanë dërguar sinjale të gabueshme tek Elektroseveri përmes interpretimeve të neneve të gabueshme të marrëveshjes që nuk kanë të bëjnë asgjë me udhërrëfyesin”, ka shtuar ai.
