Zëvendëskryeministri i parë Besnik Bislimi do ta takojë sonte emisarin për dialogun Kosovë-Serbi Miroslav Lajçak, raporton teve1.info
Lajmin e bëri të ditur gazetari i Tëvë1, Shapt Blakçori, i cili po qëndron tek objekti i Qeverisë për të përcjellur nga afër takimin e mundshëm Bislimi-Lajçak.
Më herët ishte paralajmëruar në medie një takim mes kryeministrit Kurti dhe emisarit Lajçak, por i cili nuk ndodhi.
Ndërkohë, siç merr vesh Blakçori, nesër me fillim në orën 10:00 Lajçak do të zhvilloj takime me krerët e tri partive opozitare: PDK, LDK dhe AAK.
Sipas informatave te gazetarit Blakçori, drafti për themelimin e Asociacionit pritet të jetë tema kryesore e takimeve që Lajçak pritet t’i ketë në Kosovë. Krahas kësaj do të diskutohen edhe “çështje tjera” si dhe përgatitja e një takimi në kuadër të dialogut në nivel të kryenegociatorëve.
Vizita vjen në kohën kur në Kosovë po zhvillohet debat rreth draftit për themelimin e Asociacionit, të cilin kah fundi i tetorit ua kanë paraqitur emisarët euro-amerikanë.
