Zëvendëskryeministri i Kosovës, Besnik Bislimi është deklaruar në lidhje me mungesën e tij në listën e LVV-së për zgjedhjet e 9 shkurtit.
Ai ka thënë se s’është pjesë e listës zgjedhore të Lëvizjes Vetëvendosje për shkak se është shef i shtabit të partisë, e sipas tij, për këtë s’duhet të jetë pjesë e listës.
Ai ka shtuar se VV-ja po kandidon për zgjedhjet e 9 shkurtit me një listë të denjë “për të arritur përsëri një tjetër fitore të madhe”.
“Për t’i dhënë fund edhe manipulimeve të shpërndara që nga mbrëmë, njoftoj të gjithë se mospjesëmarrja ime në listën zgjedhore të subjektit tonë, vjen si fakt i udhëheqjes së shtabit zgjedhor. Shefi i shtabit, rrjedhimisht, nuk do duhej të jetë pjesë e listës. Kështu ka qenë edhe në vitin 2017, edhe më 2019 dhe më 2021, e do jetë përsëri tash në 2024. Rezultati i tri zgjedhjeve të fundit, tregon që kjo ka qenë strategjia e duhur”, ka shkruar Bislimi në Facebook./teve1.info/
