Kryeministri i vendit, Albin Kurti ra në grackën e komedianëve rus të cilët u prezantuan në emër të presidentit të Letonisë, Edgars Rinkevics.
Ngjashëm, në grackën e dy komedianëve kanë rënë edhe disa prej liderëve të tjerë botëror.
Njohësi i protokollit, Tomor Avdia thotë se kësaj interviste do t’i duhej t’i bëhej një filtër para se atë ta realizonte kryeministri.
“ Përgjegjësia ndahet në dy pjesë, përgjegjësia shkon në dy pjesë tek kabineti i tij dhe stafi i tij dhe zyra e protokollit të tij. 01:40 ata kanë dështuar në punën e tyre dhe ky dështim duhet të ketë përgjegjësi jo vetëm morale por ndoshta edhe përgjegjësi ligjore, për arsyeje se ata kanë vepruar në kundërshtim me ligjin pa e saktësuar informacionin që me kë është duke biseduar kryeministri”, thotë Avdia.
Reagimin e qeverisë, se intervista u realizua pak ditë pas zgjedhjeve dhe se nuk ishte i mundur të kryhej secili verifikim, Avdia e konsideron të paqëndrueshëm.
“Është e pajustifikueshme për arsyeje se nuk mund të justifikohesh me ngarkesë euforie që kryeministri ka pas fitores. Pasi që këto janë takime që ndodhin në çdo vend dhe për cdo fitues në çdo vend të botës stafet janë të përgjegjshme për të rregulluar komunikimet në kohë dhe në formë për ta ruajtur këtë pjesë sensitive”, shprehet ai.
Se intervistat e tilla duhet të menaxhohen shumë më mirë, e thotë edhe ish-diplomati Sylë Ukshini.
Princ Harry, Boris Johnson, Hillary Clinton e Justin Trudeau, janë vetëm disa nga liderët botëror të cilët u mashtruan nga dy komedianët rus.
