Shoqata “Kush është i radhës” ka bërë thirrje për protesta sot në orën 18:00 në Shkup pas tragjedisë në Koçan.
Analisti nga Maqedonia e Veriut, Mersel Bilalli ka thënë se kjo do të jetë protestë fillestare dhe se ato më serioze do të organizohen mbas 4-5 ditësh.
Tutje, ai tha se vendi i tyre nuk ka qendër për të trajtuar të lënduarit nga djegia dhe për këtë janë dërguar në vende tjera për trajtim.
“Mendojë që në këtë moment të elektrizuar do të jetë një protestë fillestare së paku sepse nuk e ka qëllimin që të këtë një karakter më të gjerë…. protestat serioze pritet që të ndodhin mbas 4-5 ditësh. Ky është vetëm një sinjal, paralajmërim që më njerëzit duhet që të vijën një kontakt. Për fat të keq Maqedonia dhe spitalet e saja nuk kanë qendra mjekësore enkas për të djegurit. Jo rastësisht shumë persona të lënduar janë dërguar në shtete fqinje dhe më të largëta. Gjithë kjo tregon që Maqedonia nuk tregon vitalitetin e vet sa i përket shërbimeve themelore për shëndetësinë… Gjendja e të lënduarve është akoma alarmante ”, ka deklaruar ai në emisionin “Ditari” në Tëvë1.
