Ai shprehet i tmerruar teksa rrëfen se atë ditë ka parë njerëz pa kokë dhe me organe jashtë. Madje, thekson se njerëzit normal nuk do të kishin mundur të bënin një gjë të tillë.
“Sefte jam takuar me bacin Banush edhe ka qenë pa kokë. Aty kam parë gjithçka, të vrarë, mirëpo njeri pa kokë! Inë kam mbetur i shokuar dhe sot e asaj dite nuk gjendet koka e tij. Atëherë kam filluar të eci përpjetë dhe kam hasur pastaj të vrarë, nuk mund të merret me mend që njerëzit nëpër mal që e bëjnë atë gjenocid. Mua më është dukur sikur të jem ëndërr, nuk ma marrte mendja që është e vërtetë sidomos kur i kam kalur të gjithë dhe kam dalë tek i fundit, një njeri ka qenë me zemër jashtë, me organe jashtë, ma merr mendja kanë qenë të droguar, sepse njerëzit nuk mund ta bëjnë atë masakër”, theksoi ai.
Bilalli tutje vazhdoi rrëfimin e tij duke treguar për të vrarët që ka hasur në mbrëmjen e 15 janarit të vitit 1999 në rrafsh të zabeleve në Reçak.
“Unë në mbrëmjen e 15 janarit, ditën e 15 janarit kam hasur, Shaqir Berishën të vrarë, e kam gjetur në rrafsh të zabeleve, në mbrëmje jena fut në fshat e kam hasur babën edhe vëllezërit. I kemi kërkuar edhe të gjithë banorët se çka ka ndodhur, mirëpo banorët që kanë shpëtuar kanë qenë shumë të traumatizuar, shumë të frikësuar, aty pastaj kam parë disa të vrarë, një numër shumë të vogël, Bajram Sokoli me vajzën kanë qenë të vrarë”, rrëfeu ai.
