Futbollisti i Gjilanit Oltion Bilalli me urgjencë ka ardhur në Qendrën Klinike Universitare, për trajtim të mëtutjeshëm, pas lëndimit të pësuar gjatë ndeshjes Gjilani – Malisheva.
Bilalli humbi ndjenjat pasi u rrëzua në tokë, gjatë një dueli me portierin e Malishevës, Ilir Abdyli.
Futbollisti është dërguar menjëherë në urgjencë dhe sipas zyrtarëve të klubit gjilanas, ai ka pësuar gjakderdhje të brendshme në kokë, por është jashtë rrezikut për jetë.
Aktualisht pranë tij janë familjarët, drejtuesit e SC Gjilanit, të Malishevës dhe zyrtarë të FFK-së.
