Pasditen e së martës mbetën të ngujuara në parking.
E me të marrë vesh, pronarët erdhën të shohin për dëmet që u shkaktuan.
Kjo pasi në lagjen ‘’Qafa’’ në Prishtinë, skelet pranë një ndërtese ranë mbi to.
Andaj menjëherë punëtorët filluan të largojnë pjesët nga veturat.
Derisa në vendin e ngjarjes intervenuan menjëherë zjarrfikësit e Policia e Kosovës.
Krahas tyre, të pranishëm ishin edhe inspektorët.
Ndërsa drejtori i emergjencave i komunës së Prishtinës, Lulzim Fushtica tregoi dyshimet për dëmet e shkaktuara.
“Ende nuk dihet shkaqet, dyshohet për shkak të erërave të forta. Policia poashtu me urdhër të prokurorit, zjarrfikësit jemi duke u marrë me rastin të gjithë. Kemi fillu edhe ta pastrojmë vendin. Inspektorët e ndërtimit dhe të emergjencës janë këtu, do t’ia lëmë të kryejnë punën e tyre ditët në vijim. Ka dëme në automjete, për fat të mirë nuk ka dëme në njerëz”, tha drejtori i Emergjencave në Prishtinë, Lulzim Fushtica.
Xhama të thyer e pjesë të shtypura të veturave ishin disa nga dëmet e shkaktuara.
E me t’u liruar veturat, pronarët e tyre vazhduan për në stacionin policor për deklaratë.
