Një kryebashkiak polak 44-vjeçar, i cili ndodhej në Sardenjë së bashku me bashkatdhetarët e tjerë për një sërë vizitash institucionale, ra nga kati i katërt i hotelit ku po qëndronte dhe humbi jetën.
Siç raportojnë mediat italiane, rasti ka ndodhur në mes të natës, në hotelin Due Colonne në qendrën historike.
Sipas rindërtimit të skenës së krimit nga ekipi i policisë, kryebashkiaku ndodhej në një dhomë me një koleg dhe me sa duket ishte ulur në dritare dhe kishte humbur ekuilibrin, duke rënë në zbrazëti për disa dhjetëra metra.
Në vendngjarje kanë mbërritur policia dhe ambulanca, por nuk kanë mundur të bëjnë asgjë.
