Presidenti i Shteteve të Bashkuara të Amerikës, Joe Biden, ka vizituar Kievin në Ukrainë.
Këtë e ka bërë të ditur presidenti i Ukrainës, Volodomyr Zelensky, shkruan Teve1.info
Zelensky tha se vizita e Bidenit është shenjë e rëndësishme e mbështetjes për ukrainasit.
“Është një shenjë jashtëzakonisht e rëndësishme e mbështetjes për të gjithë ukrainasit”, ka shkruar ai në Telegram.
Për vizitën ka njoftuar edhe vet presidenti i SHBA-së- Joe Biden, i cili tha se u takua me Zelenskyn për të riafirmuar angazhimin e SHBA-së ndaj demokracisë, sovranitetit dhe integritetit territorial të Ukrainës.
“Ndërsa i afrohemi përvjetorit të pushtimit brutal të Ukrainës nga Rusia, unë jam sot në Kiev për t’u takuar me Presidentin Zelenskyy dhe për të riafirmuar angazhimin tonë të palëkundur ndaj demokracisë, sovranitetit dhe integritetit territorial të Ukrainës”, ka shkruar Biden në Twitter.
Është ky udhëtimi i tij i parë në Ukrainë, prej se Rusia ka nisur pushtimin e këtij vendi, gati një vit më parë. /Teve1.info/
