Ushtria amerikane ka evakuuar diplomatët amerikanë dhe familjet e tyre nga Khartoum, tha presidenti Joe Biden.
“Sot, me urdhrin tim, ushtria e Shteteve të Bashkuara kreu një operacion për të nxjerrë personelin e qeverisë amerikane nga Khartoum,” tha ai në një deklaratë, raporton BBC.
Një zyrtar amerikan tha se më pak se 100 njerëz u evakuuan herët të dielën, kur tre helikopterë Chinook zbritën pranë ambasadës amerikane për t’i mbledhur.
Dhuna e ashpër shpërtheu javën e kaluar në Khartoum midis dy ushtrive kundërshtare.
Lufta për pushtet midis ushtrisë së rregullt të Sudanit dhe një force paraushtarake të quajtur Forcat e Mbështetjes së Shpejtë (RSF) ka parë bombardime të rënda në kryeqytet, ku la me qindra të vrarë dhe mijëra të tjerë të plagosur.
