Biden bëri thirrje për një sërë masash që janë kundërshtuar nga republikanët në Kongres, përfshirë edhe ndalimin e shitjes së armëve sulmuese dhe karikatorëve me kapacitet të lartë, ose, nëse do të ishte e mundur, të rritej mosha minimale për të blerë armë nga 18 në 21 vjeç.
Në një fjalim për kombin nga Shtëpia e Bardhë të enjten në mbrëmje, Bideni tha se shumë vende në Amerikë janë bërë “fusha vrasjeje”.
Ai tha se nëse Kongresi nuk mund t’i nxjerrë jashtë ligjit armët e tilla, ai duhet të kërkojë të rrisë moshën për t’i blerë ato nga 18 në 21, raporton BBC.
Presidenti amerikan tha se nëse Kongresi nuk vepron, populli amerikan do ta shndërrojë çështjen e armëve në temë qendrore në zgjedhjet afatmesme të nëntorit
Fjalimi i Bidenit erdhi pak ditë pas një sërë të shtënash masive në vend, si pasojë e të cilave mbetën të vrarë dhjetëra persona.
