Gjatë fjalimit të tij Biden ka përmendur edhe Kosovën.
Pas takimit të mbajtur në Shtëpinë e Bardhë, presidenti Biden i ka falënderuar ata për angazhimin dhe punën që e kanë bërë, bashkë me ShBA-në, në Kosovë.
“Suedia dhe Finlanda janë tashmë ndër partnerët tanë më të ngushtë për një sërë çështjesh. Trupat finlandeze dhe suedeze, ata tashmë kanë shërbyer krah për krah me forcat e ShBA-së dhe NATO-s në Kosovë, në Afganistan dhe në Irak”, tha ai.
Ai tutje deklaroi se Finlanda dhe Suedia bashkë me SHBA-në, mbështesin popullin ukrainas dhe mbrojnë lirinë e tyre.
“Finlanda dhe Suedia tashmë po punojnë në koordinim me Shtetet e Bashkuara dhe aleatët dhe partnerët tanë të tjerë për të mbështetur popullin e guximshëm të Ukrainës, ndërsa mbrojnë lirinë e tyre kundër pushtimit të Rusisë”, deklaroi Biden.
