Në seancën e drejtuar nga deputeti më i moshuar nga radhët e Lëvizjes Vetëvendosje, Avni Dehari të shtunën janë betuar deputetët e rinj të Kuvendit të Kosovës të legjislaturës së nëntë.
Të pranishëm në seancën konstituive ishin119 deputetë të cilët pas verifikimit të mandateve u ftuan nga Dehari që të betohen solemnisht.
“Unë, deputet i Kuvendit të Republikës së Kosovës, betohem se me nder e me përkushtim do ta kryej detyrën time dhe do ta përfaqësoj me dinjitet popullin, do të punoj në interes të Kosovës dhe të gjithë shtetasve të saj, do të angazhohem për mbrojtjen dhe për respektimin e kushtetutshmërisë dhe të ligjshmërisë, për mbrojtjen e sovranitetit, tërësisë territoriale dhe të integritetit institucional të Kosovës, për garantimin e lirive dhe të drejtave të njeriut, në përputhje me ligjet e vendit. Betohem!”,thuhet në tekstin e deklaratës së betimit.
Ndryshe, në këtë legjislaturë, Lëvizja Vetëvendosje do të ketë 48 deputetë, Partia Demokratike e Kosovës 24 deputetë, Lidhja Demokratike e Kosovës 20 deputëtë, Aleanca për Ardhmërinë e Kosovës 5 deputetë, ndërsa Nisma Socialdemokrate 3 deputetë./teve1.info/
