Katër kryetarët e rinj të zgjedhur në katër komunat veriore të Kosovës të banuara më shumicë serbe, pritet që së shpejti ta marrin edhe zyrtarisht detyrën.
Megjithatë situata në pjesën veriore të vendit nuk është edhe aq e qetë.
Por, Ambasadori amerikan në Kosovë, e ka bërë të qartë se çdo aktivitet kriminal që ka për synim t’i pengojë kryetarët e rinj do të përballet me dënim të ashpër nga Shtetet e Bashkuara të Amerikës, se bashku më partnerët e saj.
Lidhur me emërimin e kryetarëve të rinj në katër komunat veriore, ka folur edhe politikani socialdemokrat Nenad Çanak.
Ai për tëvë1 thotë se Serbia nuk guxon të krijoj trazira për shkak se janë nën vëzhgim nga komuniteti ndërkombëtar, e veçanërisht nga Shtetet e Bashkuara të Amerikës.
“Besoj se do të lindin tensione të caktuara pas emërimit të kryetarëve shqiptare në veri të Kosovës. Megjithatë, unë mendoj se kjo nuk do të eskalojë në trazira të mëdha. Natyrisht do të ketë disa “shfaqje teatrale” duke protestuar në shenj pakënaqësie por nuk do të ketë përshkallëzim pasi do të rrezikonte më tej pozitën e Serbisë në komunitetin ndërkombëtar. Në anën tjetër me mungesën e serbëve ne institucionet e Kosovës është e pamundur të themelohet Asociacioni i Komunave me shumicë serbe, prandaj Beogradi zyrtar synon që në fund t’i lë fajtor shqiptarët për këtë situatë”, tha ai.
Por gazetari Bekim Kabashi, nuk e përjashton mundësinë që situata eskalojë në pjesën veriore të vendit, për shkak se siç thotë ai serbët do të refuzojnë ta pranojnë autoritetin e kryetarëve të rinj.
Ketë të premte betimin si kryetar i ri para asambleistëve pritet ta bëjë Erden Atiq nga Lëvizja Vetëvendosje.
