Skuadra e Beshiktashit ka refuzuar ofertën e parë të Aston Villas për futbollistin shqiptar, Ernest Muçi.
Aston Villa edhe zyrtarisht ka ofruar 20 milionë euro për transferimin e Muçit në verë, por ekipi turk e ka kthyer prapa.
Mësohet se Beshktashi po kërkon të paktën 30 milionë euro për mesfushorin 23-vjeçar, i cili po shkëlqen te skuadra turke.
Muçi pëlqehet shumë nga ekipi anglez, ndërsa me fanellën e Beshiktashit ka shënuar 4 gola në të gjitha garat. Ai iu bashkua Beshiktashit në janar të këtij viti nga Legia e Varshavës për 10 milionë euro dhe me ekipin nga Turqia ka kontratë deri në vitin 2027.
Muçi ka edhe 9 paraqitje e 2 gola për Shqipërinë, pjesë e së cilës pritet të jetë në “Euro 2024”.
