Sulmuesi i krahut, Milot Rashica nuk do të largohet nga skuadra e Beshiktashit në fund të këtij edicioni.
Mediumet turke kanë raportuar të hënën se Beshiktashi ka refuzuar ofertën e Leeds Unitedit për Rashicën.
Mësohet se Leedsi ka ofruar 7 milionë euro për transferimin e Rashicës në verë, por oferta është kthyer menjëherë prapa nga Beshiktashi.
Te skuadra turke llogaritin në Rashicën edhe pas përfundimit të këtij edicioni dhe për këtë arsye do të refuzojnë të gjitha ofertat për shërbimet e tij.
27-vjeçari ka kontratë deri në vitin 2027 me Beshiktashin, ekip të cilit iu bashkua vitin e shkuar nga Norwich City. Në 26 paraqitje për Beshiktashin në të gjitha garat këtë edicion, Rashica ka shënuar 4 gola dhe ka bërë po aq asistime.
