Skuadra e Beshiktashit ka refuzuar ofertën e një klubi nga Championshipi i Anglisë për mesfushorin Ernest Muçi.
Bëhet e ditur se klubi nga kategoria e dytë angleze ka ofruar 3.5 milionë euro për transferimin e Muçit në janar, por Beshiktashi nuk ka pranuar.
Skuadra turke po kërkon të paktën 12 milionë euro për Muçin, të cilin e bleu në fillim të këtij viti nga Legia e Varshavës për 10 milionë euro.
23-vjeçari nuk ka treguar paraqitje të mira këtë sezon te Beshiktashi dhe klubi turk është i hapur për shitjen e tij, por vetëm nëse oferta është e kënaqshme.
Muçi ka 4 gola e 2 asistime në 17 paraqitje në të gjitha garat për Beshiktashin, ekip me të cilin ka kontratë deri në verën e vitit 2027.
Ai, gjithashtu ka edhe 15 ndeshje dhe 3 gola të shënuar me Kombëtaren e Shqipërisë.
