Mesfushori shqiptar, Ernest Muçi mund të largohet nga Beshiktashi, nëse ekipi nga Turqia merr ofertë prej 10 milionë eurosh për 24-vjeçarin.
Te Beshiktashi kanë caktuar çmimin për Muçin dhe janë në pritje të ofertave për futbollistin e Kombëtares së Shqipërisë.
24-vjeçari ka kontratë deri në vitin 2027 me Beshiktashin, ekip për të cilin shënoi 7 gola dhe asistoi 4 herë sezonin e shkuar.
Krahas Muçit, Beshiktashi ka vendosur edhe një çmim prej 8 milionë eurosh për Milot Rashicën, i cili ka tërhequr vëmendjen në Serie A të Italisë.
