Veton Berisha nga Partia Liberale Egjiptiane e ka vlerësuar të dëmshëm vendimin e Gjykatës Kushtetuese, e cila ka rrëzuar kërkesën e tij dhe të Albert Kinollit për orkestrim të votave nga Lista Serbe dhe komuniteteve tjera.
Berisha në një lidhje direkte në emisionin “Ditari” në Tëvë 1 ka thënë se ky vendim ka qenë i papritur dhe është i dëmshëm.
“Në parim po shihet se nuk do të ketë ndryshime në përbërjen e Kuvendit dhe më thënë të drejtën nuk e kam pritë. Është një dëm i madh, për faktin që orkestrimi i votave është ngjarje që rrezikon demokracinë në vend, dhe do të bëjë të vështirë përfaqësimin e minoriteteve”, ka thënë Berisha.
Gjykata Kushtetuese ka publikuar të enjten vendimin për ankesën e Veton Berishës dhe Albert Kinollit.
