Kandidati për kryetar të Komunës së Prishtinës nga AAK-ja, Bekë Berisha, ka premtuar krijimin e një qendre të specializuar për trajtimin dhe rehabilitimin e personave të varur nga alkooli.
Përmes një postimi në Facebook, Berisha ka bërë të ditur se ideja ka lindur pas ankesave të të rinjve të Prishtinës se nuk kanë ku të drejtohen për ndihmë.
“Beka ndan përvojën e tij, se si ka takuar të rinj të varur nga alkooli, të cilët kanë thënë, ‘s’kemi ku me shku’. Kjo nuk është thjesht histori. Është realitet për shumë të rinj në Prishtinë. Andaj lindi ideja: Krijimi i një qendre të specializuar për trajtim dhe rehabilitim, me staf profesional, me përkujdesje të vazhdueshme, me mbështetje njerëzore”, ka shkruar në faqen e tij në Facebook, kandidati Bekë Berisha.
