Deputeti i Aleancës për Ardhmërinë e Kosovës, Bekë Berisha, tha se deklarata e kryeministrit, Albin Kurti dhe e ministrit, Xhelal Sveçla, që policia e ka rrogën mbi 2 mijë euro, është gënjeshtër.
Përmes një konference për media, Berisha ka thënë se sigurinë e Kosovës janë duke e rrezikuar politikat fëmijërore që, sipas tij, po i përdorë Kurti dhe Sveçla.
“Sot po e kërcënojnë Policinë, politikat fëmijërore të kryeministrit dhe një ministri. Është e pakapshme për një mendje të shëndoshë që një ministri me dalë e me thënë se e ka rrogën 2000 euro”. FIT është njësi që ka rrezikuar jetën dhe janë krenuar me ta. Po e shoh këtë mekanizmin e propagandës se përse ata me maska dhe sot po i linçojnë dhe po i rrezikojnë jetët e tyre. Ne nuk duam ta kthejmë Kuvendin në një arenë ku kënaqet armiku, por duhet të jemi unik që këta Policë luftëtarë tash nuk po ua plotësojnë kërkesat për të jetuar me dinjitet”, ka thënë Berisha, teksa ka kërkuar unitet nga të gjitha partitë tjera.
Berisha deklaroi se njëjtë po veprojnë edhe me të tjerët.
“Është një çështje edhe për minatorët që janë mbyllur në grevë dhe është çështje që na ka mërzitur të gjithëve dhe siç duket kjo Qeveri nuk e ka hallin e tyre. Kjo Qeveri edhe me tjerët ka vepruar njëjtë dhe është metodë me i lodhë”, ka deklaruar Berisha tutje.
