Kryetari i Partisë Liberale Egjiptiane, Veton Berisha ka thënë se ky subjekt politik nuk ka vija të kuqe as me kryeministrin në detyrë, Albin Kurti dhe as me askënd në Kosovë.
Berisha ka bërë të ditur se nga Kurti kanë kërkuar që nëse hyjnë në qeveri të kenë mundësi ndikimi në politikat qeveritare.
Ai po ashtu ka njoftuar se e kanë dorëzuar një program për investime të komunitetit egjiptian.
“Biseduam për një bashkëpunim të mundshëm mes nesh. Ne në parim nuk kemi asnjë vijë të kuqe me askënd në këtë rast me kryeministrin Kurti por me askënd në Kosovë. Normalisht që ne i patëm kërkesat tona dhe kërkuam që nëse hyjmë në qeveri të kemi mundësi që të ndikojmë në politikat qeveritare që me ndryshu, do të thotë të marrim përgjegjësi. E dorëzuam një program të partisë që e kemi pasur gjatë fushatës e që janë nevoja të komunitetit dhe ka mbetur që ditëve në vijim të kemi prapë takime”, ka thënë ai në një konferencë për media pas takimit me kryeministrin në detyrë, Albin Kurti.
