Berisha tha se gjendja e këtij komuniteti është tepër e rëndë, pasi sipas tij, nuk ka ndonjë investim kapital që përmirëson jetesën e tyre.
“Komuniteti egjiptian po vlerësohet se po jeton në kushte jashtëzakonisht të vështira. Nuk ka asnjë investim kapital që ata mund të jetojnë më mirë. Në 4 vitet e fundit para ardhjes së ministrit Krasniqi, rregullisht ka pasur përafërsisht 30 shtëpi të ndërtuara për familjet e komunitetit egjiptian. Ndërsa tani me ardhjen e tij kemi pasur 37 shtëpi në proces të ndërtimit, e që tani të gjitha janë anuluar. Janë anuluar projekte për të cilat është ndarë buxhet 2.5 milionë për shtëpitë të cilat duhej të ndërtoheshin në vitin në vazhdimësi, por ai buxhet është anuluar. Për këto 2 vite ju them me përgjegjësi të plotë, gjendja e komunitetit egjiptian është tepër e rëndë”, tha Berisha i ftuar në emisionin “Infonata”.
Tutje, Berisha në Tëvë1 tha se komuniteti egjiptian nuk ka asnjë të punësuar, përveç atyre që kanë qenë kyç në ndonjë parti politike.
“Qytetarëve egjiptianë nuk u vie rendi që të jenë pjesë e punësimeve”, u shpreh Berisha më tej./Tëvë1.info./