Kryetari i Partisë Demokratike, Sali Berisha, në një prononcim për median, tha sot në Kuvend se opozita “po zhvillon një betejë për ligjin, për Kushtetutën”.
Ai theksoi se qëndrimi i opozitës në sallë është në interes të qytetarëve dhe në mbrojtje të shtetit ligjor.
“Ne qëndrojmë këtu për Kushtetutën, ne qëndrojmë këtu për ligjin. Beteja jonë është për ligjin, Kushtetutën, shtetin ligjor”, u shpreh Berisha.
Duke iu drejtuar mazhorancës, ai kërkoi që ligji të mbizotërojë mbi çdo vendim politik.
“Kushtetuta dhe ligji janë feja jonë politike”, tha Berisha, duke shtuar se parlamenti nuk mund të funksionojë pa respektimin e këtyre parimeve.
Gjithashtu, Berisha kritikoi ndërhyrjen ndaj deputetëve të opozitës, duke e cilësuar si të pajustifikuar.
Ai akuzoi mazhorancën se po mbron individë të cilët, sipas tij, duhet të përballen me drejtësinë.
“Praktika “vidh e ik” nuk do të pranohet më, ndërsa paralajmëroi se pa dorëzimin e personave të akuzuar nuk do të ketë parlament. “- u shpreh Berisha.
